काठमाडौँ । केपी ओली कप राष्ट्रिय फुटबल च्याम्पियनसिपको फाइनलमा सातदोबाटो र मच्छिन्द्र फुटबल क्लब बिच प्रतिस्पर्धा हुने भएको छ ।
आयोजक केपी एफसीलाई १–० ले पराजित गर्दै उपाधि नजिक पुगेको मच्छिन्द्र र आर्मी फुटबल क्लबलाई सडन डेथमा ६–५ ले पराजित गर्दै फाइनलमा पुगी सातदोबाटो बिच प्रतिस्पर्धा हुन लागेका हो ।
आठ टोली सहभागी रहेको उक्त खेलमा एन्फा कम्प्लेक्सको खेल मैदामा हुँदै आएको थियो भने फाइनल दशरथ रङ्गशालामा आज हुदैछ ।
नेकपा एमाले निकट युवा सङ्घको आयोजनामा भइरहेको खेलकोमा विजेताले उपाधिसहित १० लाख नगद तथा उपविजेताले ५ लाख नगद प्राप्त गर्ने आयोजकले जनाएको छ ।
प्रतियोगिताका सर्वोत्कृष्ट खेलाडीले १ लाख नगद पाउने छन् । त्यसैगरी उत्कृष्ट गोलरक्षक, उत्कृष्ट गोलकर्ता र उदीयमान खेलाडीले ५० हजार पाउने छन् ।
प्रकाशित मिति : १७ फाल्गुन २०७९, बुधबार ७ : ३४ बजे
प्रतिक्रिया