चाहे धमिलो होस्
अथवा, — सङ्लो ।
चाहे नदि होस्
अथवा, — समुन्द्र ।
माछालाई बाच्न पानी नै चाहिन्छ
चाहे जाल होस्
अथवा, — महाजाल ।
चाहे बल्छी होस्
अथवा, — ढडिया ।
माछा मार्न ढोक्सा नै चाहिन्छ
चाहे माछा सानो रहोस्
अथवा, — ठूलो ।
चाहे चलाख होस्
अथवा, — सुस्त ।
ढोक्सामा परेपछी नै त्यसको नापतौल हुन्छ।
उत्तरी हिमाली भेगबाट होस्
अथवा, – दक्षिणि कोणबाट
माछा समाउन हुन्छन भेला ।
कोही ढुकेर थाप्छन बल्छी
कोहि लुकेर धाउछन खोला।
— ० —
द्रष्टव्य :-
नदीनाला प्रशस्त छन्
रङ्गिबिरङ्गी माछा।
बुद्धि नपुर्याइ खोला छेक्दा
पानी नै सुकेर जाला ।।
२०७९/११/१३…….
प्रकाशित मिति : १३ फाल्गुन २०७९, शनिबार ४ : ४२ बजे
प्रतिक्रिया