काठमाडौँ । प्रधानमन्त्री पुष्पकमल दाहाल ‘प्रचण्ड’ र नेकपा (एमाले) अध्यक्ष केपी शर्मा ओलीबीच भेटवार्ता भएको छ ।
प्रधानमन्त्री निवास बालुवाटार उहाँहरुबीच भेटवार्ता भएको एमाले अध्यक्ष ओलीको सचिवालयले जनाएको छ ।
राष्ट्रिय स्वतन्त्र पार्टी (रास्वपा)ले प्रधानमन्त्री लाई दिएको अल्टिमेटमा आज सकिँदै छ । । सोही सन्दर्भ आज बिहानैदेखि उहाँहरुबीच छलफल सुरु भएको बुझिएको छ ।
गृह मन्त्रालय आफ्नो पार्टीलाई पुनः दिनका लागि प्रधानमन्त्री प्रचण्डले आनाकानी गरेपछि सरकारमा बस्ने या नबस्ने भन्ने बारेमा रास्वपाको बिहीबार बसेको केन्द्रीय समिति र संसदीय दलको संयुक्त बैठकले दुई दिनसम्म प्रतीक्षा गर्ने निर्णय गरेको थियो ।
त्यस्तै, उहाँहरुबीच गृह मन्त्रालय रास्वापालाई दिने, राष्ट्रपति तथा उपराष्ट्रपतिको निर्वाचन, र समसामयिक राजनीतिका घटनाक्रमका बारेको समेत छलफल हुने बुझिएको छ ।
प्रकाशित मिति : २१ माघ २०७९, शनिबार १० : ४७ बजे
प्रतिक्रिया