काठमाडौँ – आइतबार पोखरामा यती एयरलाइन्सको विमान दुर्घटनामा परेका थप १ जनाको शव भेटिएको छ ।
जिल्ला प्रहरी कार्यालय प्रमुख अजय केसीका अनुसार फेला परेको शवलाई पोखरा विज्ञान प्रतिष्ठानमा ल्याइएको जानकारी दिएका हुन् ।
विमानमा चालक दलका चार सदस्य र ६८ यात्रु गरी ७२ जना सवार थिए भने त्यस मध्ये ७० जनाको शव फेला परेको छ । अब थप २ जनाको शव भोलिमात्रै खोजी गरिने भएको छ ।
प्रहरीले शव खोज्नका लागि ड्रोनको प्रयोग गरिरहेको छ । भोलि बिहान ४ वटा ड्रोनसहित सम्भावित ठाउँहरुमा खोजी कार्य जारी रहने छ ।
प्रकाशित मिति : २ माघ २०७९, सोमबार ८ : ०३ बजे
प्रतिक्रिया