जनकपुर । मधेस प्रदेशमा नेकपा एमाले, जनता समाजवादी पार्टी र जनमत पार्टीसहित तीन राजनीतिक दलको संयुक्त सरकार गठन भएको छ ।
नयाँ सरकार गठन भएसँगै मधेश प्रदेशका नवनियुक्त मुख्यमन्त्री सरोजकुमार यादवले शुक्रवार शपथ लिनुभएकाे छ ।
जनकपुरमा आयोजित विशेष समारोहमा सो प्रदेश प्रमुख हरिशंकर मिश्रवाट मुख्यमन्त्री यादवले पद तथा गोपनीयताको शपथ लिनुभएकाे हाे ।
मुख्यमन्त्री यादवले मन्त्रीपरिषद विस्तार गरी आजै तीन प्रदेश सांसदलाई मन्त्रीमासमेत नियुक्त गर्नुभएकाे छ । नवनियुक्त मन्त्रीहरुले पनि आजै पद तथा गोपनियताको सपथ लिनुभएकाे छ ।
जसअनुसार मुख्यमन्त्री यादवले नेकपा एमालेका सरोज यादव, जसपाका सञ्जय यादव र जनमत पार्टीका वसन्त कुशवाहालाई मन्त्री पदमा नियुक्त गर्नुभएकाे हाे । तत्कालका लागि तीनै जना बिना बिभागियको रहनुभएकाे छ । मुख्यमन्त्री यादवका अनुसार उहाँहरुलाई पछि जिम्मेवारी तोकिने छ ।
प्रकाशित मिति : २९ पुस २०७९, शुक्रबार १ : ५४ बजे
प्रतिक्रिया