धनगढी । सुदूरपश्चिम प्रदेश मुख्यमन्त्रीका लागि प्रदेश प्रमुख देवराज जोशीसमक्ष नेकपा (एमाले)का राजेन्द्रसिंह रावलले आज दाबी पेस गर्नुहुँदै छ ।
केन्द्रमा सत्ता साझेदार दलहरूबिच भएको सहमति अनुसार उहाँले मुख्यमन्त्रीका लागि दाबी पेस गर्न लाग्नु भएको हो ।
प्रदेश प्रमुख जोशीले दुई वा दुईभन्दा बढी दलहरूको समर्थनमा सुदूरपश्चिम प्रदेशको मुख्यमन्त्रीका लागि दाबी पेस गर्न आज ५ः०० बजेसम्मको समय सीमा दिनुभएको छ ।
प्रदेश सभामा नेकपा (माओवादी केन्द्र)बाट ११, नेकपा (एमाले) बाट १०, नागरिक उन्मुक्ति पार्टीबाट सात र राप्रपाबाट एक जना प्रदेशसभा सदस्य हुनुहुन्छ ।
सत्ता साझेदार दलका शीर्ष नेताबिच सुदूरपश्चिम प्रदेशमा एमाले र नेकपा (माओवादी केन्द्र)ले आलोपालो गरेर सरकार सञ्चालन गर्ने सहमति भएको छ ।
प्रकाशित मिति : २७ पुस २०७९, बुधबार १० : ५२ बजे
प्रतिक्रिया