सिन्धुपाल्चोक । इन्द्रावती गाउँपालिकाले गाउँपालिकाका प्रत्येक घर धुरीलाई विद्युतीय चुलो वितरण गर्ने योजना अघि बढाएको छ । ‘हाम्रो लगानी हाम्रै सम्पत्ति’ भन्ने नाराका साथ गाउँपालिकाले सो योजना अघि सारेको हो ।
आइतबार इन्द्रावती गाउँपालिकाका अध्यक्ष झम्क नेपालले विद्युतीय चुलो वितरण कार्यक्रम सञ्चालनका लागि नेपाल विद्युत प्राधिकरणका व्यवस्थापकीय निर्देशक कुलमान घिसिङ समक्ष आवश्यक सहयोगको लागि माग पत्र बुझाउनुभएको छ । एमाले स्थायी कमिटी सदस्य एवं पूर्वमन्त्री शेरबहादुर तामाङ,गाउँपालिकाका अध्यक्ष झम्क नेपालसहितको टोलीले माग पत्र बुझाएको हो ।
आगामी आर्थिक वर्ष भित्र पालिका भित्रका सबै घरधुरिलाई विधुतिय चुलो वितरण गरिसक्ने गाउँपालिकका अध्यक्ष झम्क नेपालले जानकारी दिनुभयो । उहाँले जनताका आवश्यक दैनिकीलाई मध्यनजर गर्दै जनताका मागलाई सम्बोधन गर्दै अघि बढ्ने बताउनुभयो । उहाँले गाउँपालिकालाई दाउरा र ग्याँस चुलो रहित बनाउन गाउँपालिकाले सो अवधारणालाई अघि बढाएको बताउनुभयो ।
माग पत्रलाई सम्बोधन गर्दै प्राधिकरणका व्यवस्थापकिय निर्देशक कुलमान घिसिङले सो कार्यक्रम सन्चालनका लागि आवस्यक ट्रन्सफर्म,प्लास्टिक,कोटेड,तारलगायत आवश्यक सहयोगको लागि प्रतिबद्धता व्यत्त गर्नुभएको अध्यक्ष नेपालले जानकारी दिनुभयो ।
प्रकाशित मिति : २४ पुस २०७९, आइतबार ५ : २३ बजे
प्रतिक्रिया