काठमाडौं । व्यवसायी किशोर प्रधान नेपाल एयरलाइन्सको सञ्चालकमा नियुक्त हुनुभएको छ ।
संस्कृति, पर्यटन तथा नागरिक उड्डयनमन्त्री भानुभक्त ढकालले मंगलबार मोरङका प्रधानलाई नेपाल वायुसेवा निगमको सञ्चालकमा नियुक्त गर्नुभएको हो ।
नेपाल वायुसेवा निगम ऐन २०१९ को परिच्छेद २ को दफा ४ को उपदफा १ बमोजिम उहाँलाई निगमको सञ्चालकमा नियुक्त गरिएको नागरिक उड्डयन मन्त्रालय सचिवालय निकठ स्रोतले जानकारी दिएको छ ।
उहाँको कार्यकाल ४ वर्षको हुनेछ । प्रधान नेपाल उद्योग वाणिज्य महासंघका पूर्व उपाध्यक्ष हुनुहुन्छ ।
प्रकाशित मिति : २४ चैत्र २०७७, मंगलबार ३ : ४३ बजे
प्रतिक्रिया