सिन्धुपाल्चोक । आज जारी प्रतिनिधिसभा तथा प्रदेशसभाको निर्वाचनका लागि भएको मतदानका क्रममा जिल्लामा २ बजेसम्ममा ४४ प्रतिशत मत खसेको छ ।
प्रमुख जिल्ला अधिकारी बेधनिधि खनालका अनुसार मतदान कार्य छिटपुट घटनाबाहेक शान्तिपूर्ण रहेको छ ।
जिल्ला निर्वाचन अधिकारी विकास शर्मा रिजालले एक अस्थायीसहित एक सय ४६ मतदानस्थलमा मतदान सुरु भएको बताउनुभयो । ती स्थलका तीन सय २१ मतदान केन्द्रमा मतदान जारी रहेको हो ।
दुई प्रतिनिधिसभा तथा चार प्रदेशसभा निर्वाचनका लागि सिन्धुपाल्चोकमा जम्मा दुई लाख ६० हजार दुई सय ७३ मतदाता छन् ।
प्रकाशित मिति : ४ मंसिर २०७९, आइतबार २ : ३१ बजे
प्रतिक्रिया