लन्डन । बेलायतमा तेस्रो मिसेस नेपाल युनिभर्स प्रतियोगिताको तयारी सुरु भएको छ ।
लन्डन फेसन हाउसको आयोजनामा प्रत्येक वर्ष आयोजना गर्दै आएको विवाहित महिलाबीचको सौन्दर्य प्रतियोगिताको आउँदो ४ डिसेम्बरमा अल्डरसटस्थित एम्पायर हलमा हुँदैछ ।
कोभिड महामारीका कारण रोकिएको प्रतियोगिता यस पटक गर्ने भइरहेको आयोजक लन्डन फेसन हाउसकी निर्देशक मनिषा डङ्गोल श्रेष्ठले जानकारी दिनुभयो ।
मिसेस नेपाल युनिभर्स वीनरले बुल्गेरियामा हुने ४५ औँ मिसेस युनिभर्समा सहभागिता जनाउन सक्ने डङ्गोलले बताउनुभयो। उहाँका अनुसार यही आइतबारदेखि प्रतियोगीहरूको प्रशिक्षणसहित अन्य प्रक्रिया अगाडि बढ्नेछ ।
प्रतियोगितामा जुनै देशका नेपाली महिलाले भाग लिन सक्ने आयोजकले जनाएको छ ।
विवाहित महिलाहरूको बाह्य तथा आन्तरिक सौन्दर्य, क्षमता र आत्मविश्वास अभिवृद्धिका लागि प्रतियोगिता अझ व्यापक र विस्तारित रूपमा गर्न लागिएको जनाउँदै उहाँले महिला सशक्तीकरणमा जोड दिने बताउनुभयो।
प्रकाशित मिति : २० कार्तिक २०७९, आइतबार ८ : १२ बजे
प्रतिक्रिया