चितवन । विभिन्न लागु औषधसहित चार जनालाई प्रहरीले पक्राउ गरेको छ ।
भरतपुरबाट उनीहरूलाई भारतीय कारसहित पक्राउ गरिएको हो ।
पक्राउ पर्नेमा भारतको बिहारका ३८ वर्षीय सुनिल कुमार, १९ वर्षीय विकास कुमार, ५० वर्षीय राजन ठाकुर र बाराको गढीमाई नगरपालिका–१९ का ३५ वर्षीया प्रतिमा मण्डल रहेको जिल्ला प्रहरी कार्यालय चितवनले जनाएको छ ।
कार्यालयका प्रवक्ता प्रहरी नायब उपरीक्षक विजयराज पण्डितका अनुसार उनीहरूलाई शुक्रवार भरतपुर बसपार्क चोकबाट पक्राउ गरिएको हो ।
पक्राउ परेका उनीहरूको साथबाट एक हजार एम्पुल डाइजेपाम, एक हजार एम्पुल व्युप्रिनर्फिन, फेनारगन एक हजार एम्पुल र एक सय ४० मिलिग्राम खैरो हेरोइन फेला परेको उहाँले जानकारी दिनुभयो । मोबाइल चार थान, डिएल सात सिएम १५७६ नंको भारतीय कारसमेत बरामद गरिएको छ ।
थप अनुसन्धान भइरहेको प्रहरीले जनाएको छ ।रासस
प्रकाशित मिति : २९ आश्विन २०७९, शनिबार ९ : १७ बजे
प्रतिक्रिया