पाल्पा । पाल्पाको रामपुर नगरपालिका–८ गैरीखेतमा मङ्गलवार दुई वटा मोटरसाइकल ठोक्किँदा तीन जना घाइते भएका छन् ।
कालिगण्डकी करिडोर सडकमा बिजयपुरबाट भुजात तर्फ जाँदै गरेको लु २९ प ३८२७ र विपरीत दिशाबाट आउँदै गरेको लु २१ प ५९२८ नम्बरको मोटरसाइकल ठोक्किएका थिए ।
दुर्घटनामा ३८२७ नम्बरको मोटरसाइकल चालक पाल्पा रामपुर नगरपालिका–८ का ३४ वर्षीय यम बहादुर साठीघरे, सोही मोटरसाइकलमा पछाडि सवार रामपुर–१० का २९ वर्षीय जय बहादुर परियार र ५९२८ नम्बरको मोटरसाइकल चालक रामपुर–५ का २१ वर्षीय विष्णु माझी रहेका छन् । घाइतेहरूको रामपुर अस्पतालमा उपचार भइरहेको छ ।
मङ्गलवार बेलुकी पौने ७ः०० बजे भएको सवारी दुर्घटनामा घाइते मध्ये विष्णु र जयको अवस्था गम्भीर रहेको इलाका प्रहरी कार्यालय रामपुरले जनाएको छ ।
प्रकाशित मिति : २९ भाद्र २०७९, बुधबार ११ : १७ बजे
प्रतिक्रिया