काठमाडौँ । काठमाडौँ कलंकीस्थित खसी बजारमा गए राति टिपरको ठक्करबाट मोटरसाइकल चालकको मृत्यु भएको छ ।
मृत्यु हुनेमा धादिङको छत्रे देउराली–२ का १८ वर्षीय विश्वास रञ्जितकार रहेका छन् । दुर्घटनामा गम्भीर घाइते भएका रञ्जितकारको उपचारका क्रममा राति सवा १० बजे राष्ट्रिय ट्रमा सेन्टरमा मृत्यु भएको हो ।
कलङ्कीबाट बल्खुतर्फ जाँदै गरेको बाग्मती प्रदेश ०१–००६ ख २८९३ नम्बरको टिपरले सोही दिशातर्फ जाँदै गरेको बा ८१ प ४१२९ नम्बरको मोटरसाइकललाई गए राति साढे ९ बजे ठक्कर दिएको ट्राफिक प्रहरी प्रभाग कलंकीले जानकारी दिएको छ ।
टिपरसहित चालकलाई नियन्त्रणमा लिइएको प्रहरी वृत्त कालीमाटीले जनाएको छ ।
प्रकाशित मिति : ८ भाद्र २०७९, बुधबार १० : ५२ बजे
प्रतिक्रिया