काठमाडौँ । नेकपा एमालेका अध्यक्ष केपी शर्मा ओलीले आफूलाई भेट्न आएका काठमाडौँ महानगरपालिकाका मेयर बालेन साहलाई तबला उपहार दिनुभएको छ ।
बुधवार साँझ अध्यक्ष ओलीसँग महानगरका विविध विषयमा कुरा गर्न साह बालकोट जानु भएको थियो । अध्यक्ष ओलीसँग साहले आफूले गर्न चाहेका केही दीर्घकालीन महत्त्वका कामहरू, देशको राजधानी सहरलाई सुन्दर र सफा बनाउन आफूले ल्याएका योजना आदिका बारेमा छलफल गर्नुभएको थियो । यसका लागि एमालेको पूर्ण साथ चाहिने बालेनले बताउनुभएको थियो ।
सो अवसरमा अध्यक्ष ओलीले महानगरले अघि सार्ने जनमैत्री काममा एमालेको सधैँ साथ रहने र एमालेका जनप्रतिनिधिले सधैँ साथ दिने बताउनुभएको थियो ।
र्यापर समेत रहनुभएका मेयर बालेनलाई अध्यक्ष ओलीले तबला उपहार दिएर पठाउनुभएको छ।
प्रकाशित मिति : ३० असार २०७९, बिहिबार १० : ०६ बजे
प्रतिक्रिया