काठमाडौं । अमेरिका भ्रमणमा रहेका प्रधानसेनापति प्रभुराम शर्माले भर्जिनियास्थित ‘नेसनल म्युजियम अफ द मरिन क्रप्स’को अवलोकन गर्नुभएको छ ।
सोही क्रममा उहाँले मरिन क्रप्स वार फाइटिङ लेवोरेटोरीका कमाण्डर केल बी। इलिसनसँग छलफल तथा अन्तरक्रिया गर्नुभएको थियो ।
भ्रमणका क्रममा प्रधानसेनापति शर्माले मरिन क्रप्स कमान्ड एन्ड स्टाफ कलेजको अवलोकन गर्नुभएको थियो। उहाँले कलेजले दिने तालिम लगायत विविध पक्षका बारेमा जानकारी लिनुभएको थियो ।
प्रधानसेनापति शर्मा १२ असारमा अमेरिका पुग्नुभएको हो । उहाँ लेबनान र सिरियाको भ्रमण सकेर अमेरिका जानुभएको हो । प्रधानसेनापति शर्माले अमेरिका पुगेकै दिन अमेरिकाका लागि नेपाली राजदूत श्रीधर खत्रीसँग शिष्टाचार भेटघाट गरेको नेपाली सेनाले जनाएको छ ।
प्रकाशित मिति : १४ असार २०७९, मंगलबार १ : २३ बजे
प्रतिक्रिया