लमजुङ । डुम्रे–बेशीसहर सडक खण्ड अन्तर्गत आज दुई ठाउँमा पहिरो खस्दा सवारी आवागमन प्रभावित भएको छ ।
सडक खण्ड अन्तर्गत तनहुँको भानु नगरपालिका–८ बलि फाँटमा आज बिहान सडक भासिँदा सवारी आवागमन प्रभावित भएको हो ।
बिहानैबाट रोकिएको सवारी साधन पहिरो गएको आसपासमै रोकिएको प्रहरी चौकी पुर्कोटले जनाएको छ ।
यस्तै, डुम्रे–बेशीशहर सडक खण्ड अन्तर्गत लमजुङको बेशिसहर नगरपालिका–१ उदिपुरमा पनि आज बिहान झरेको पहिरोका कारण सवारी आवागमन प्रभावित भएको छ ।
बिहान साढे ५ बजे अवरुद्ध भएको सडक खुलाउने प्रयास भइरहेको अस्थायी प्रहरी पोस्ट उदिपुरले जनाएको छ ।
प्रकाशित मिति : ५ असार २०७९, आइतबार १२ : ०१ बजे
प्रतिक्रिया