काठमाडौं – सत्ता साझेदार नेकपा एकीकृत समाजवादी पार्टीले पाँचजना मन्त्रीलाई फिर्ता फिर्ता बोलाउने निर्णय लिएको छ । समाजवादीको आइतवार बसेको सचिवालय बैठकले मन्त्रीहरु हेरफेर गर्ने निर्णय गरेको हो।
एकीकृत समाजवादीले स्वास्थ्य तथा जनसङ्ख्या मन्त्री विरोध खतिवडा, सहरी विकास मन्त्री रामकुमारी झाँकी, संस्कृति, पर्यटन तथा नागरिक उड्ययन मन्त्री प्रेमबहादुर आले र श्रम, रोजगार तथा समाजिक सुरक्षा मन्त्री कृष्णकुमार श्रेष्ठलाई फिर्ता बोलाएको हो।
एकीकृत समाजवादीका उपमहासचिव विजय पौडेलले आफूले सरकारमा सहभागी गराउन ५ नेताको नाम प्रधानमन्त्री देउवालाई बुझाएको बताउनु भयो । उहाँका अनुसार अब भवानी खापुङ स्वास्थ्य तथा जनसंख्या मन्त्री बन्नेछन् भने जीवनराम श्रेष्ठ संस्कृति, पर्यटन तथा नागरिक उड्डयन, मेटमणि चौधरी शहरी विकास, शेरबहादुर कुँवर श्रम, रोजगार तथा सामाजिक सुरक्षा मन्त्री बन्नेछन् । त्यस्तै हीरा केसी स्वास्थ्य तथा जनसंख्या राज्यमन्त्री बन्ने छन् ।
प्रकाशित मिति : २२ जेष्ठ २०७९, आइतबार ४ : २४ बजे
प्रतिक्रिया