काठमाडौँ । काठमाडौँ महानगरपालिकाका नवनिर्वाचित मेयर बालेन्द्र साह (बालेन) ले पद तथा गोपनीयताको शपथ ग्रहण गर्नुभएको छ ।
मुख्य निर्वाचन अधिकृत काठमाडौँ जिल्ला अदालतका न्यायाधीश राजकुमार खतिवडाले मेयर साहलाई पद तथा गोपनीयताको शपथ ग्रहण गराउनुभएको हो ।
मेयर साहले सुरुमा नेपाली भाषामा शपथ लिनुभएको थियो भने त्यसपछि नेपाल भाषामा शपथ लिनुभएको थियो ।
त्यस्तै, नवनिर्वाचित उपमेयर सुनिता डङ्गोलले समेत पद तथा गोपनीयताको शपथ ग्रहण गर्नुभएको छ ।
उपमेयर डङ्गोललाई मेयर साहले शपथ ग्रहण गराउनुभएको हो । उपमेयर डङ्गोलले भने नेपाल भाषामै शपथ लिनुभएको छ । मेयर साहले नेपाली भाषामा शपथ ग्रहण गराउँदा डङ्गोलले नेपाल भाषामा शपथ लिनुभएको हो ।
मेयर साहले काठमाडौँ महानगरपालिकाका नवनिर्वाचित वडाध्यक्ष, नगर कार्यसमिति सदस्यहरूलाई समेत पद तथा गोपनीयताको शपथ ग्रहण गराउनुभएको छ ।
प्रकाशित मिति : १६ जेष्ठ २०७९, सोमबार १२ : ३३ बजे
प्रतिक्रिया