काठमाडौं। महिलाहरुलाई स्पाई–क्यामेरा जडान गरिएको ऐना बेच्ने एक व्यक्ति पक्राउ परेका छन् ।
चीनको ग्वाङदोङ प्रान्तका झाङ थर भएका एक व्यक्ति सयौं महिलाहरुलाई स्पाई–क्यामेरा जडान गरिएको ऐना गिफ्ट दिएको र बेचेको अभियोगमा पक्राउ परेका हुन् ।
झाङले भर्खरका युवतीहरूलाई स्पाई–क्यामेरासहितको ऐना उपहारमा दिने र बेच्ने गरेका थिए। ती व्यक्तिले त्यस्ता स्पाई क्यामेरासहितको सामग्री हालसम्म २१० वटाभन्दा बढी बेचिसकेको जनाइएको छ। ऐनाभित्र चारवटा क्यामेरा र ३२ जिबीको मेमोरी कार्ड समेत भेटिएको थियो ।
झाङले एक लाइभ स्ट्रिमर महिलालाई ऐना उपहारमा दिएका थिए। उनले महिलालाई नग्न हुँदा सो ऐना हेर्नुपर्ने बताएपछि महिलालाई शंका लागेर ऐनामा खोज तलासी गर्दा उक्त कुरा पत्ता लागेको थियो ।
झाङले सयौं महिलालाई त्यस्तो ऐना बेचेर अथवा उपहार दिएको र नग्न फोटो र भिडिओ खिचेको हुनसक्ने विषयमा प्रहरीले थप अनुसन्धान गरिरहेको छ।
प्रकाशित मिति : १३ जेष्ठ २०७९, शुक्रबार ५ : ३२ बजे
प्रतिक्रिया