काठमाडौं । आठ वर्ष अघि एक सौन्दर्य प्रतियोगितामा सहभागी नाबालिगमाथि भएको यौनहिंसा तथा बलात्कारसम्बन्धी घटनाको आरोप लागेका मनोज पाण्डे पक्राउ परेका छन् । अपराध महाशाखाको टोलीले पाण्डेलाई स्वयम्भुबाट पक्राउ गरेको हो ।
बुधबार एक युवतीले सामाजिक सञ्जाल टिकटकमा २० वटा भिडियो क्लीप सार्वजनिक गर्दै १६ वर्षको हुँदा आफूमाथि एक सौन्दर्य प्रतियोगिताका सञ्चालकले बलात्कार गरेको खुलासा गरेकी थिइन ।
टिकटक र विभिन्न सामाजिक सञ्जाल हुँदै यो मुद्दा राष्ट्रिय चासोको विषय बनेपछि संसदलेसमेत यसबारे छानबिन गर्न सरकारलाई निर्देशन दिएको थियो ।
भिडियोबारे गृह मन्त्रालयलेसमेत आफ्नो ध्यानाकर्षण भएको जनाएको छ । गृहमन्त्रालयलेको निर्देशन पछि प्रहरी प्रधान कार्यालयले पाँच सदस्यीय समितिसमेत बनाएको छ । प्रहरी वरिष्ठ उपरीक्षक वसन्त कुँवरको नेतृत्वको समितिमा प्रहरी उपरीक्षक कृष्ण कोइराला, प्रहरी नायब उपरीक्षक कोपिला चुडाल, प्रहरी नायब उपरीक्षक हरि बस्नेत र प्रहरी निरीक्षक सपना खड्का रहनुभएको छ । समितिले शुक्रबारबाटै काम सुरु गरेको छ ।
प्रकाशित मिति : ७ जेष्ठ २०७९, शनिबार ६ : १२ बजे
प्रतिक्रिया