बारा । बाराको निजगढ नगरपालिकामा नगरप्रमुख पदमा नेकपा एमाले विजयी भएको छ ।
वर्तमान नगरप्रमुख सुरेश कुमार खनाललाई हराउँदै एमालेका सुरथ पुरीले जित हात पार्नु भएको हो । पुरी ९ हजार ४ सय ७५ मत ल्याई विजयी हुनुभएको निर्वाचन अधिकृत शम्भु प्रसाद बरालले जानकारी दिनुभयो ।
उपप्रमुखमा पनि एमालेले नै जित हासिल गरेकाे छ । नेकपा एमाले सोममया थिङले गठबन्धनका उपप्रमुख रबिराज दंगाललाई १ सय ४१ मतले हराउँदै जित हात पार्नु भएकी हो । उपप्रमुख थिङले ८ हजार ६ सय ५९ मत प्राप्त गर्नु भएको छ । गठबन्धनको तर्फबाट नेपाली काँग्रेसका नगरप्रमुखका उम्मेदवार सुरेश खनालले ८ हजार ८ सय २३ मत र उपप्रमुखमा रबिराज दंगालले ८ हजार ५ सय १८ मत मात्र ल्याउन सफल भएको हो । पुरी ६ सय ५२ मत बढी ल्याई विजयी हुनु भएको हो ।
प्रकाशित मिति : ४ जेष्ठ २०७९, बुधबार ४ : २५ बजे
प्रतिक्रिया