अछाम । मङ्गलसेन नगरपालिका मेयरमा एमालेका उम्मेदवार विजयी भएका छन् ।
आज सम्पन्न मतगणनामा नेकपा एमालेका पदम बोहराले ५ हजार ७३७ मत ल्याई विजयी हुँदा उहाँका निकटतम प्रतिद्वन्द्वी नेपाली कांग्रेसका काँग्रेस नमबहादुर शाहीले ५ हजार दुई मत पाउनुभयो ।
यस्तै, उपप्रमुखमा समेत एमालेका सङ्गीता रावल सोडारी ५ हजार ७१९ मत ल्याएर विजयी हुँदा उहाँका निकटतम प्रतिद्वन्द्वी समाजवादीका बमबहादुर रावलले ३ हजार ३७ मत पाउनुभयो ।
उपप्रमुखमै माओवादीका लोकबहादुर बोगटीले ४१५ पाउँदा राप्रपाले ७१ मत पाएको छ।
नगरप्रमुखमा निर्वाचित भएका बोहरा यसअघि समेत नगरप्रमुख हुनुहुन्थ्यो । मंगलसैन नगरपालिकाका १४ वटा वडामध्ये १० मा नेकपा एमाले र ४ वडामा नेपाली काँग्रेस विजयी भएको छ ।
प्रकाशित मिति : ४ जेष्ठ २०७९, बुधबार ११ : ०४ बजे
प्रतिक्रिया