चितवन । माओवादी अध्यक्ष प्रचण्डको निर्वाचन क्षेत्र माडी नगरपालिकामा एमालेले जित निकालेको छ ।
यसअघि माओवादीले जितेको माडीको मेयरमा यसपटक एमालेकी ताराकुमारी काजी महतो विजयी हुनुभएको हो ।
निवर्तमान उपमेयरसमेत रहनुभएकी ताराकुमारीले ९ हजार ९०१ मत प्राप्त गरी विजयी हुनुभएको हो । उहाँको निकटतम प्रतिद्वन्द्वी गठबन्धनबाट माओवादी केन्द्रका ऋषिराम काफ्लेले ७ हजार ७२९ मत पाउनुभयो ।
माडीको उपमेयरमा भने गठबन्धनबाट उठेका नेपाली कांग्रेसका खेमप्रसाद महतो ६ हजार ८३० मतले निर्वाचित हुनुभएको छ ।
प्रकाशित मिति : ३ जेष्ठ २०७९, मंगलबार ५ : २३ बजे
प्रतिक्रिया