जनकपुरधाम । धनुषा जिल्लामा नेकपा एमालेले खाता खोलेको छ । जिल्लाको औरही गाउँपालिकामा एमालेले अध्यक्ष तथा उपाध्यक्ष जितेको हो ।
गाउँपालिकाको अध्यक्षमा निर्वाचित हुनेमा नेकपा एमालेका उमाशंकर प्रसाद साह रहनु भएको छ । साहले ३ हजार ३ सय २६ मत प्राप्त गर्नु भयो । उहाँका निकटतम प्रतिद्वन्द्वी नेपाली काँग्रेसका उम्मेदवार ब्रह्मदेव यादवले २ हजार ९ सय २३ मत प्राप्त गर्नुभयो ।
यसै गरी उपाध्यक्ष पदमा नेकपा एमालेका पुनम कुमारी साहले २ हजार ९ सय ९४ मत प्राप्त गरी निर्वाचित हुने भएको छ भने निकटतम प्रतिस्पर्धी रिंकी कुमारी मण्डलले २ हजार ७ सय ९० मत प्राप्त गरेको रत्नेश शशीले जानकारी दिनु भएको छ ।
औरही गाउँपालिकाको ६ वटा वडामा ४ वटा काँग्रेस तथा २ वटामा जनता समाजवादी पार्टीका वडाध्यक्ष निर्वाचित भएका छन् ।
प्रकाशित मिति : ३ जेष्ठ २०७९, मंगलबार २ : १२ बजे
प्रतिक्रिया