चितवन । चितवनको भरतपुर महानगरपालिकामा एमालेको तर्फबाट मेयरमा उम्मेदवारी दिनुभएका विजय सुवेदीले अग्रता लिनुभएको छ ।
स्थानीय तह निर्वाचनको पछिल्लो मतगणनाको विवरणअनुसार तीन हजार ९४४ मत ल्याइ उहाँले अग्रता लिनुभछको छ । उहाँलाई गठबन्धनको तर्फबाट उम्मेदवारी दिनुभएकी माओवादी केन्द्रकी रेणु दाहालले तीन हजार ८९४ मत ल्याएर पछ्याइरहनुभएको छ ।
भरतपुर महानगरपालिकाको १, २ र ३ वडाको जम्मा खसेको ११ हजार ३२८ मतगणनाको नतिजाअनुसार सुवेदीले अग्रता लिइरहनुभएको हो । मेयरका स्वतन्त्र जगन्नाथ पौडेलले एक ५७२ मत ल्याउनुभएको छ । आज बिहान ११ बजेबाट ४ नं वडाको मतहरू ८ स्थानमा गणना चलिरहेको छ ।
उपमेयरमा कांग्रेकाका चित्रसेन अधिकारी चार हजार ४७६, राप्रपाकी हिमला गुरुङ तीन हजार ७० ल्याउनुभएको छ ।
प्रकाशित मिति : २ जेष्ठ २०७९, सोमबार ११ : ४४ बजे
प्रतिक्रिया