काठमाडौँ । जजिरा एयरवेजले गौतमबुद्ध अन्तर्राष्ट्रिय विमानस्थलमा २ जेठ (१५ मे) बाट औपचारिक उडान सुरु गर्ने भएको छ ।
जजिरा एयरवेजले साउदी अरबको रियाद, दमाम, जेद्दा र मदिना सहरबाट गौतम बुद्ध अन्तर्राष्ट्रिय विमानस्थल, भैरहवामा १५ मेदेखि उडान सञ्चालन गर्न लागेको हो ।
बुद्ध जयन्तीको अवसर पारेर २ जेठबाट गौतम बुद्ध अन्तर्राष्ट्रिय विमानस्थल सञ्चालनमा आउँदै छ । सोही दिन जजिरा एयरवेजले पहिलो उडान गर्न लागेको हो ।
आगामी जुन महिनादेखि रियाद, दमाम, जेद्दा र मदिना सहरबाट नियमित उडान सञ्चालन गर्ने तालिका सार्वजनिक गरेको हो । जजिरा एयरवेजले सातामा तीन उडान गर्ने भएको छ ।
भैरहवादेखि कुवेत र कुवेतदेखि भैरहवा गरी साताको तीन उडान गर्ने गरी जजिरा एयरवेजले उडान तालिका सार्वजनिक गरेको हो ।
सार्वजनिक गरिएको तालिकाअनुसार आइतबार, मङ्गलवार, बिहीबार कुवेतबाट भैरहवा आउनेछ । त्यस्तै सोमबार, बुधवार र शुक्रवार भैरहवाबाट कुवेतका लागि उडान हुनेछ ।
प्रकाशित मिति : २८ बैशाख २०७९, बुधबार ५ : ०४ बजे
प्रतिक्रिया