रोल्पा । सत्ता साझेदार नेकपा (माओवादी केन्द्र)का कार्यकर्ताहरूले रोल्पाको सुनछहरी गाउँपालिकामा ६७ वर्षीय वृद्घा महिलालाई कुटपिट गरेका छन् ।
सुनछहरी गाउँपालिका–५ जैमाकसलाका एमालेबाट वडाध्यक्षका उम्मेदवार तीर्खबहादुर विष्टकी आमा ६७ वर्षीया सत्मा बुढाथोकीमाथि उनीहरुले निर्घात कुटपिट गरेका हुन्।
माओवादीबाट वडाध्यक्षका उम्मेदवार देवीलाल रोकामगरको निर्देशनमा स्थानीय तानसरी विष्ट र श्याम विष्टले उनीमाथि कुटपिट गरेको स्थानीयहरुले बताएका छन् ।
उनीहरुले विष्टलाई घरबाहिर बोलाएर कुटपिट गरेका हुन् । पीडित महिलाको प्राथमिक स्वास्थ्य केन्द्र सुलिचौरमा उपचार भइरहेको छ ।
पीडित परिवारले इलाका प्रहरी कार्यालय सुलिचौरमा उजुरी दर्ता गराएका छन्।
प्रकाशित मिति : २८ बैशाख २०७९, बुधबार ४ : ३० बजे
प्रतिक्रिया