थप १६७ मा कोरोना संक्रमण पुष्टि, ३ को मृत्यु

काठमाडौं – पछिल्लो २४ घण्टामा थप १६७ जनामा कोरोना भाइरसको संक्रमण पुष्टि भएको छ। योसँगै नेपालमा कुल संक्रमितहरुको संख्या २ लाख ७७ हजार ९४७ पुगेको छ ।

स्वास्थ्य तथा जनसंख्या मन्त्रालयले दिएको जानकारी अनुसार देशभरमा पछिल्लो २४ घण्टामा ११५ जना संक्रमित निको भएका छन्। हालसम्म २ लाख ७२ हजार ७२७ जना संक्रमित निको भएर डिस्चार्ज भइसकेका छन् ।

आज अपरान्हसम्म नेपालमा सक्रिय संक्रमितको संख्या १ हजार ३९० जना रहेको छ  भने आज थप ३ जनाको कोरोना संक्रमणबाट निधन भएको छ । त्यस्तै आजसम्म कोरोना संक्रमणबाट मृत्यु हुनेको संख्या ३ हजार ३० रहेको छ ।

प्रकाशित मिति : १७ चैत्र २०७७, मंगलबार  ५ : २९ बजे