विराटनगर – मोरङको केराबारी गाउँपालिका–२ को वडा सदस्य पदमा उम्मेदवारी दिएका नवीन लिम्बूको शुक्रबार बिहान मृत्यु भएको छ ।
नेपाली कांग्रेसबाट उनी उम्मेदवार हुनुहुन्थ्यो । गाउँपालिकाका निवर्तमान अध्यक्ष एवं कांग्रेसबाट गाउँपालिका प्रमुखको उम्मेदवार रहेका रोहितबहादुर कार्कीका अनुसार बिहीबार पार्टीको चुनावी कार्यक्रममा लिम्बू सहभागी हुनुहुन्थ्यो ।
कार्यक्रमपछि घर फर्किएर सुत्नुभएको उहाँ शुक्रबार बिहान अचानक बेहोस भएर ढलेको कार्कीको भनाइ छ । उहाँका अनुसार उपचारका लागि अस्पताल लैजाने क्रममा लिम्बूको मृत्यु भएको हो । मृत्युको कारण नखुलेको र शव पोस्टमार्टमका लागि पठाइएको कार्कीले बताउनुभयो ।
प्रकाशित मिति : १६ बैशाख २०७९, शुक्रबार २ : ५४ बजे
प्रतिक्रिया