बारामा जिप दुर्घटना, १ जनाको मृत्यु १२ जना घाइते

बारा / बाराको जितपुर सिमरा उपमहानगरपालिका–२१  आधा भार जङ्गलमा बिहीबार बिहान जिप दुर्घटना हुँदा चालकको मृत्यु भएको छ । दुर्घटनामा १२ जना घाइते भएका छन् । 

मृत्यु हुनेमा जितपुर सिमरा उपमहानगरपालिका–११ का २५ वर्षीय लोकनाथ सेढाई रहेका छन् । गम्भीर घाइते भएका उनको उपचारका क्रममा सिमरा स्थित अल्पाईन अस्पतालमा मृत्यु भएको प्रहरीले जनाएको छ । 

घाइते भएका जिपमा सवार १२ जनाको सोही अस्पतालमा उपचार भइरहेको छ । घाइते मध्ये ४ जनाको अवस्था गम्भीर रहेको छ । 

आज बिहान पौने ९ बजे सिमराबाट हेटौडातर्फ आउँदै गरेको बा १९ च ४३७७ नम्बरको जिप अनियन्त्रित भई पल्टिएको इलाका प्रहरी कार्यालय अमलेखगञ्जले जनाएको छ ।

प्रकाशित मिति : १ बैशाख २०७९, बिहिबार  १२ : ४५ बजे