काठमाडौँ । स्थानीय तह निर्वाचनमा देशैभर ठाउँ र अवस्थाअनुसार चुनावी तालमेल गर्न सत्ता गठबन्धनले अपिल गरेको छ ।
गठबन्धनले आगामी चुनावी मोडालिटी भने सार्वजनिक गरेको छैन । गठबन्धनले पाँच दलबीच तालमेल गर्ने मात्रै घोषणा गरेको छ ।
प्रधानमन्त्री निवास बालुवाटारमा आज बसेको सत्ता गठबन्धनका शीर्ष नेताहरूको बैठकले वैशाख ३० गते हुने स्थानीय चुनावमा देशैभर गठबन्धन गर्न आव्हान गरेको हो ।
“देशैभर ठाउँ र अवस्थाअनुसार चुनावी तालमेल मिलाएर चुनावमा आपसी सहकार्य र परस्पर सहयोगको भावनाले अगाडि बढ्न पाँच दलका सम्पूर्ण साथीहरूलाई आह्वान गर्दछौँ” अपिलमा भनिएको छ ।
प्रकाशित मिति : २८ चैत्र २०७८, सोमबार १२ : ०१ बजे
प्रतिक्रिया