काठमाडौं – पछिल्लो २४ घण्टामा थप २६ जनामा कोरोना भाइरस संक्रमण भएको छ ।
स्वास्थ्य तथा जनसंख्या मन्त्रालयका अनुसार कुल ५ हजार १९२ जनाको पीसीआर र एन्टिजेन परीक्षण गर्दा २६ जनामा कोरोनाको संक्रमण पुष्टि भएको हो । पछिल्लो २४ घण्टामा कोरोना संक्रमणबाट मुक्त हुनेको संख्या ७७ जना रहेका छन् ।
हाल देशभर कोरोना भाइरसको सक्रिय संक्रमितहरुको संख्या १ हजार १४६ रहेको छ ।
पछिल्लो २४ घण्टामा संक्रमणका कारण कसैको मृत्यु भएको छैन । नेपालमा कोरोनाबाट ज्यान गुमाउनेको कुल संख्या ११ हजार ९५१ पुगेको छ ।
प्रकाशित मिति : १६ चैत्र २०७८, बुधबार ५ : ०४ बजे
प्रतिक्रिया