काठमाडौँ । सुनको मूल्य आज एक हजार एक सय रुपैयाँले घटेको छ ।
नेपाल सुनचाँदी व्यवसायी महासङ्घका अनुसार आज छापावाल सुनको मूल्य तोलाको ९९ हजार दुई सय रुपैयाँ कायम भएको छ । यसअघि, मङ्गलवार सुन तोलाको एक लाख तीन सय रुपैयाँमा कारोबार भएको थियो ।
आज तेजाबी सुनको मूल्य तोलाको ९८ हजार सात सय रुपैयाँ तोकिएको छ ।
त्यस्तै, चाँदीको मूल्य पनि प्रतितोलामा २५ रुपैयाँले घटेको छ । मङ्गलवार एक हजार तीन सय ९५ रुपैयाँमा कारोबार भएको चाँदी आज एक हजार तीन सय ७० रुपैयाँ निर्धारण गरिएको छ ।
महासङ्घले अन्तरराष्ट्रिय बजारमा सुन तथा चाँदीका मूल्यमा हुने घटबढका आधारमा यहाँ दैनिक कारोबार मूल्य तोक्दै आएको छ ।
अन्तरराष्ट्रिय बजारमा आज सुन प्रतिऔँस एक हजार ९२१ डलर आसपास कारोबार भइरहेको छ ।
प्रकाशित मिति : ९ चैत्र २०७८, बुधबार ११ : ३७ बजे
प्रतिक्रिया