काठमाडौं। साताको पहिलो दिन सेयर बजार निरन्तर ओरालो लाग्ने क्रम जारि राखेको छ ।
पछिल्ला तीन दिनमा करिब ५७ अंक गुमाएको नेप्से परिसूचक आइतबार १४.६७ अंकले ओर्लिएको हो। आज नेप्से परिसूचक २६१६.५८ को विन्दुमा रोकिएको छ।
बजार खुल्दा करिब ३ अंकले बढेको सेयर बजार २६५० विन्दुमा पुगे लगत्तै घट्न सुरु भएको थियो ।
आइतबार सेयरबजारमा २ अर्ब २७ करोड ४६ लाख २६ हजार रुपैयाँको ४२ लाख ८७ हजार ५६९ कित्ता सेयर ३५ हजार २१२ पटक किनबेच भएको थियो ।
आज सर्वाधिक कारोबार गर्ने कम्पनीमा नेपाल लाइफ इन्स्योरेन्स रहेको छ । नेपाल लाइफले दिनभरमा १६ करोड २९ लाख रुपैयाँको सेयर किनबेच भएको थियो।
त्यस्तै सर्वाधिक गुमाउनेमा मैलुङ खोला जलविद्युत कम्पनी रहेको छ । मैलुङ खोला जलविद्युतको मूल्य ३.७६ प्रतिशतले ओरालो लागेको छ।
प्रकाशित मिति : ६ चैत्र २०७८, आइतबार ३ : ३३ बजे
प्रतिक्रिया