इस्लामाबाद। उत्तरी पाकिस्तानी शहर सियालकोटमा निकै ठूलो विस्फोटको आवाज सुनिएको स्थानीय समाचार माध्यमले आइतबार जनाएका छन् ।
पञ्जाब प्रान्तको क्यान्टोन्मेन्ट क्षेत्र नजिकै विस्फोटको आवाज सुनिएको हो। "उत्तरी पाकिस्तानको सियालकोट सैन्य आधारमा थुप्रै विस्फोटका आवाज सुनिएका छन्। यो गोला बारूद भण्डारण क्षेत्र हो। त्यहाँ ठूलो आगो बलिरहेको छ।
विस्फोटको कारण अझै पत्ता लागेको छैन," मिलाप दैनिकका सम्पादक ऋषि सुरीले ट्वीटरमा उल्लेख गरेका छन् । घटनाको विस्तृत विवरण आउन बाँकी छ । रासस
प्रकाशित मिति : ६ चैत्र २०७८, आइतबार १२ : २६ बजे
प्रतिक्रिया