काठमाडौं । सत्ता गठबन्धनमा आवद्ध माओवादी नेताहरूले चुनावी तालमेललाई लिएर धम्क्याउने,घुर्क्याउने खेल सुरु गरेका छन् ।
नेपाली कांग्रेस भित्र माओवादीलाई साथ लिएर चुनावमा जान सकिन्न भन्ने मत बढ्दै भएपछि माओवादीले भने सरकार नै ढालिदिने चेतावनी दिन थालेको हो ।
जसरी पनि माओवादीसँग चुनावी तालमेल गरेर जानु पर्ने नत्र सरकार ढाल्छौ भन्दै माओवादी नेताहरूले दबाब र धम्की दिन थालेका हुन् । माओवादी अध्यक्ष पुष्पकमल दाहाल,नेता बर्षमान पुनले तालमेल नभए सरकार ढल्ने चेतावनी दिएर यस्तो सङ्केत गरेका हुन ।
अझ अध्यक्ष दाहालले त एमालेसँग सहकार्य गर्ने धम्की समेत दिएका छन् । एमाले नेताहरू भने कुनै पनि हालतमा माओवादीसँग मिल्ने कुरामा सहमत देखिदैनन । एमाले अध्यक्ष केपी ओलीले नाम मात्रका कम्युनिष्टहरु सँग अहिले एकताको कुनै आवश्यकता नभएको बताइसक्नुभएको छ । माओवादी नेताहरू अहिले पनि एमालेसँग मिल्ने घुर्की देखाएर कांग्रेसलाई साइजमा ल्याउन न्वारनदेखिको बल लगाइरहेको देखिन्छ । काग्रेंस नेताहरू भने कम्युनिष्ट विभाजनको एकमुष्ट नाफा तालमेल बाहिर नगरे मात्र लिन सकिनेमा विश्वस्त हुँदै गइरहेका छन् ।
प्रकाशित मिति : ४ चैत्र २०७८, शुक्रबार १० : ५४ बजे
प्रतिक्रिया