जनकपुर। जनकपुर ढल्केबर छ लेन सडक आयोजनाअन्तर्गत मुजेलियामा जनकपुरधाम उपमहानगरपालिकाले निर्माण गरेको सहिदद्वार शुक्रबार साँझ प्रयोगमा आएको छ ।उपमहानगरपालिकाको करिब रु साढे चार करोडको लागतमा निर्माण गरिएको सहिदद्वार जनकपुरधाम उपमहानगरपालिकाका प्रमुख लालकिशोर साहले उद्घाटन गर्नुभयो ।
धनुष आकारको सहिदद्वारको माथिल्लो भागमा भगवान् श्रीरामले धनुषमा ताँदो चढाएको आकर्षक मूर्तिका साथै मधेस आन्दोलनका क्रममा शहादत भएका सहिद नितु यादव, सञ्जय चौधरी र दिलीप यादवको अर्ध कदको शालिक राखिएको छ ।
ती सहिदको सामूहिक दाहसंस्कार सोही ठाउँमा गरिएको थियो । यसैगरी उक्त आन्दोलनका क्रममा शहादत भएका अन्य ११६ मधेसी सहिदको नाउँ पनि शिलापत्रमा कोरिएको छ । निकै भव्य र आकर्षकस्वरुपमा निर्माण सहिदद्वार निर्माण भएको छ । जनकपुरधामको गरिमालाई झल्काउने उक्त द्वारको सोही दिन साँझ धार्मिक अनुष्ठान पनि गरिएको थियो ।
प्रकाशित मिति : २८ फाल्गुन २०७८, शनिबार २ : २७ बजे
प्रतिक्रिया