काठमाडौँ । चीन सरकारले अनुदानमा उपलब्ध गराएको कोरोना विरुद्धको खोप आज काठमाडौं आइपुगेको छ ।
राष्ट्रिय ध्वजावाहक नेपाल वायुसेवा निगम नेपाल एयरलाइन्स को वाइडबडी ३३० जहाजबाट कोरोना विरुद्धको खोप काठमाडौं ल्याइएको हो ।
नेपाल एयरलाइन्सको जहाज खोप लिन आइतबार चीनको राजधानी बेइजिङ गएको थियो । चीनले नेपाललाई उपलब्ध गराएको कोभिड -९ विरुद्धको ‘भेरासेल’ खोप नेपाललाई हस्तान्तरण गरेको छ ।
त्रिुभुवन अन्तर्राष्ट्रिय विमानस्थलमा आयोजित एक कार्यक्रममा आठ लाख डोजको सो खोप नेपालका लागि चिनियाँ राजदूत होउ यान्छीले स्वास्थ्य तथा जनसंख्यामन्त्री हृदयश त्रिपाठीलाई हस्तान्तरण गर्नुभयो ।
यही चैत १ गतेको मन्त्रिपरिषद्को बैठकले मित्रराष्ट्र चीनबाट प्रदान गरिने कोभिड–१९ विरुद्धको खोप ‘भेरासेल’ लगायत सहायता सामग्री स्वीकार गर्ने निर्णय गरेको थियो ।
निगमको जहाजले यसअघि पनि नेपालमा कोभिड महामारी उच्च भएका बेला पनि बेजिङ तथा ग्वाङ्जाओबाट स्वास्थ्य सामग्री ल्याएको थियो ।
निगमले अन्तरराष्ट्रिय गन्तव्यमा दुई थान वाइड बडी ए ३२० जहाज र दुई थान न्यारो बडी ए३३० जहाजमार्फत सात देशका नौ गन्तव्यमा उडान भर्दै आएको छ ।
तस्बिर : गोरखापत्र
प्रकाशित मिति : १६ चैत्र २०७७, सोमबार १० : २३ बजे
प्रतिक्रिया