संयुक्त राष्ट्रसंघद्वारा रुस–युक्रेन वार्ताको स्वागत

न्यूयोर्क (अमेरिका) ।  संयुक्त राष्ट्र सङ्घले रुस–युक्रेन वार्ताको स्वागत गर्दै सबै सम्झौताहरू ढिलाइ नगरी कार्यान्वयन हुने आशा व्यक्त गरेको छ।

“हामी युक्रेनी र रुसी वार्ताकारहरू बीच हिजो बेलारुसमा दोस्रो चरणको वार्ताको क्रममा रिपोर्ट गरिएको सम्झौताको स्वागत गर्दछौँ”, राजनीतिक मामिलाका उप–महासचिव रोजमेरी डिकार्लोले शुक्रवार एक विज्ञप्तिमार्फत सो कुरा उल्लेख गर्नुभएको छ।

उहाँले भन्नुभयो कि संयुक्त राष्ट्रसङ्घले बुझेको छ कि दुई पक्षले मानवीय कोरिडोरको स्थापनामा नागरिकहरूको लागि सुरक्षित मार्ग र मानवीय सहायताको वितरणमा ध्यान केन्द्रित गरेको छ।

''हामी आशा गर्छौँ यो रिपोर्ट गरिएको सम्झौता ढिलाइ नगरी लागू हुनेछ र पूर्ण र विना सर्त युद्ध विराममा छिट्टै सहमति हुनेछ”,  डिकार्लोले उल्लेख गर्नुभएको छ ।

संयुक्त राष्ट्रसङ्घले दुवै पक्षलाई वार्ता जारी राख्न र सुरक्षा, मानवीय र अन्य मुद्दाहरूमा तत्काल प्रगति गर्न आग्रह गरेको छ।

रुस र युक्रेनले बिहीबार बेलारुसमा दोस्रो चरणको वार्तामा सर्वसाधारणलाई बाहिर निकाल्न मानवीय कोरिडोरहरू व्यवस्थित गर्न सहमत भएका थिए।

“मानवीय कोरिडोरको सङ्गठनको लागि मात्र समाधान छ”, युक्रेनको राष्ट्रपति कार्यालयका प्रमुखका सल्लाहकार मिखाइलो पोडोलियाकले ट्विटरमा भन्नुभएको छ  ।

रुसी प्रतिनिधिमण्डलका प्रमुख समेत रहनुभएका रुसी राष्ट्रपतिका सहयोगी भ्लादिमिर मेडिन्स्कीले दुवै पक्षले सैन्य मामिला, मानवीय मुद्दा र भावी राजनीतिक समाधानबारे छलफल भएको बताउनुभएको छ । रासस/एएनआई) 

प्रकाशित मिति : २१ फाल्गुन २०७८, शनिबार  ११ : ५१ बजे