काठमाडौँ । सत्ता गठबन्धनको बैठक प्रधानमन्त्री निवास बालुवाटारमा सुरु भएको छ ।
अमेरिकी सहयोग परियोजना मिलेनियम च्यालेन्ज कर्पोरेसन (एमसीसी) बारे सहमति जुटाउन पाँच दलीय बैठक बसेको हो ।
बैठकमा प्रधानमन्त्री एवं नेपाली काँग्रेसका सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्ड, एकीकृत समाजवादीका अध्यक्ष माधवकुमार नेपाल, झलनाथ खनाल, जनता समाजवादी पार्टीका अध्यक्ष उपेन्द्र यादव, बाबुराम भट्टराई सहभागी हुनुहुन्छ।
एमसीसी संसद्बाट अनुमोदन गर्ने कि नगर्ने भन्ने विषयमा आजको बैठकले निर्णय गर्ने छ । प्रतिनिधिसभा बैठक आज दिउँसो १ः०० बजे बोलाइएको छ । बैठकमा एमसीसी पेस गर्ने कार्यसूची नभए पनि गठबन्धन बैठक र कार्य व्यवस्था परामर्श समितिको बैठकले कार्यसूची तय गर्ने नेताहरूको भनाइ छ।
प्रधानमन्त्री देउवा आजै एमसीसी संसद्मा टेबुल गर्ने मनस्थितिमा हुनुहुन्छ । तर, माओवादी केन्द्र र एकीकृत समाजवादीले मानिरहेका छैनन् ।
प्रकाशित मिति : ८ फाल्गुन २०७८, आइतबार १० : ५४ बजे
प्रतिक्रिया