काठमाडौँ । नेकपा माअेवादी माओवादी केन्द्रले अहिलेको अवस्थामा अमेरिकी सहयोग परियोजना मिलेनियम च्यालेन्ज कर्पोरेसन (एमसिसी) अगाडि बढाइए सरकार छाड्ने तर समर्थन कायमै राख्ने निष्कर्ष निकालेको छ ।
प्रतिनिधिसभा बैठक बस्नुअघि सत्ता गठबन्धनको बैठक बस्दै छ । त्यसअघि माओवादी केन्द्रका अध्यक्ष पुष्पकमल दाहाल ’प्रचण्ड’, नेकपा एकीकृत समाजवादीका अध्यक्ष माधव नेपाल र जनता समाजवादी पार्टीका अध्यक्ष उपेन्द्र यादवबीच बिहान खुमलटारमा छलफल भएको थियो ।
सो छलफलमा माओवादीका अध्यक्ष प्रचण्डले अहिलेको अवस्थामा एमसिसी अगाडि बढाइए सरकार छाड्ने तर सकारलाई दिइएको समर्थन कायमै राख्ने बताउनुभएको हो ।
त्यस्तै, जसपाले पनि एमसीसीका बारेमा ठोस निर्णय लिन सकेको छैन । जसपाका अध्यक्ष यादव माओवादीलगायत दलहरूको निर्णय कुरिरहनुभएको छ भने जसपा सङ्घीय परिषद् अध्यक्ष बाबुराम भट्टराई पास गर्नुपर्ने पक्षमा हुनुहुन्छ ।
नेकपा एकीकृत समाजवादीले शनिवार मात्र निर्णय गर्ने भएको छ ।
यसअघि, नै एमसिसीको विरोध गरेको सत्ता गठबन्धनको राष्ट्रिय जनमोर्चा भने सडक आन्दोलनमा छ ।
प्रकाशित मिति : ६ फाल्गुन २०७८, शुक्रबार १० : १६ बजे
प्रतिक्रिया