काठमाडौं – पछिल्लो २४ घण्टामा थप १ हजार ९५७ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १२ हजार ६९२ जनाको पीसीआर र एन्टीजेन परीक्षण गर्दा कुल १ हजार ९५७ जनामा कोरोना संक्रमण पुष्टि भएको हो । यस्तै, आज थप ५ हजार १०३ जना संक्रमणमुक्त भएका छन् ।
हाल देशभर सक्रिय संक्रमितको संख्या ३६ हजार १८१ जना रहेका छन् ।
पछिल्लो २४ घन्टामा कोरोना भाइरसको संक्रमणबाट एकैदिन थप ११ जनाको मृत्यु भएको छ । नेपालमा कोरोनाबाट ज्यान गुमाउनको कुल संख्या ११ हजार ८३८ पुगेको छ ।
प्रकाशित मिति : २५ माघ २०७८, मंगलबार ४ : ४९ बजे
प्रतिक्रिया