काठमाडौं । नेकपा माओवादी केन्द्रका अध्यक्ष पुष्पकमल दाहाल‘प्रचण्ड’ र प्रधानमन्त्री देउवाबीच खटपट सुरु भएको छ ।
अमेरिकी सहयोग सम्बन्धी सम्झौता मिलेनियम च्यालेन्ज कम्प्याक्ट (एमसीसी) लाई लेखेको पत्र सार्वजनिक भएसँगै देउवा दाहालबीच भनाभन सुरु भएको हो । आज संचारमाध्यमहरुमा प्रधानमन्त्री देउवा र प्रचण्डले पठाएको पत्र र देउवा र प्रचण्डलाई अमेरिकाले पठाएको जवाफी पत्र सार्वजनिक भएपछि प्रधानमन्त्री देउवाले माओवादी केन्द्रका अध्यक्ष पुष्पकमल दाहाल प्रचण्ड र अर्का नेता नारायणकाजी श्रेष्ठसंग टेलिफोन गर्नुभएको थियोे ।
टेलिफेन संवादमा नेताद्धय प्रचण्ड र श्रेष्ठले एमसीसीलाई लेखेको र एमसीसीले लेखेको पत्र सार्वजनिक भएकोमा प्रधानमन्त्रीसमक्ष आपत्ति जनाउनुभएको हो । प्रचण्डले ‘पत्र अहिले सार्वजनिक गर्नुपर्ने त्यस्तो के भयो ?’ भन्दै आक्रोशपूर्ण प्रश्न गरेका थिए । जवाफमा देउवाले आफुले पत्र सार्वजनिक नगरेको जवाफ दिनुभएको थियो ।
प्रकाशित मिति : २३ माघ २०७८, आइतबार २ : १० बजे
प्रतिक्रिया