कर्णालीमा भारी हिमपात, हवाई र सडक यातायात प्रभावित (फोटोफिचर)

मुगु । कर्णाली प्रदेशका हिमाली जिल्लामा भारी हिमपात भएको छ । मुगु, जुम्ला, डोल्पा, हुम्लामा भारी हिमपात हुँदा हवाई र सडक यातायात प्रभावित भएको छ ।

मुगुस्थित रारा विमानस्थलमा हवार्इ उडान ठप्प भएको छ भने कर्णाली राजमार्गका विभिन्न खण्ड अवरुद्ध बनेका छन्। बिहीबारबाट बाक्लो हिमपात हुँदा विमानस्थलमा हवाइ उडान हुन सकेको छैन ।

कर्णालीमा यो  तेस्रो पटक हिमपात भएको हो । यसअघि माघ दोस्रो हप्ता र गत पुसमा पनि हिमपात भएको थियो ।

मौसम पूर्वानुमान महाशाखाका अनुसार पश्चिमी न्यून चापीय प्रणाली सक्रिय हुँदा हिमपात भएको हो । आज पनि हिमपात भइरहेको छ ।

मुगुका प्रायः सबै स्थानीय तहलगायत सदरमुकाम गमगढी बजारमा लगायतका क्षेत्रमा हिमपात भएको छ ।  जुम्लाका सबै स्थानीय तहका क्षेत्रमा पनि हिमपात भएको छ

प्रकाशित मिति : २१ माघ २०७८, शुक्रबार  ९ : ५२ बजे