लमजुङ । नेकपा (एमाले) जिल्ला कमिटी लमजुङको पहिलो बैठक स्मार्ट भिलेज घले गाउँमा बस्ने भएको छ ।
एमाले लमजुङको पदाधिकारीको बैठकले २८ माघमा क्व्होलासोंथर गाउँपालिका ३ मा रहेको स्मार्ट भिलेज घले गाउँमा पहिलो बैठक बस्ने निर्णय गरेको हो ।
पहिलो बैठकले जिम्मेवारी बाँडफाँट, सचिवालय गठन लगायतको निर्णय गर्ने अध्यक्ष कृष्णप्रसाद अधिकारीले बताउनुभयो ।
अहिले जिम्मेवारी बाँडफाँट नभएकाले आफू रहेको भूगोलमा स्थानीय पालिका कमिटीसँग समन्वय गरी पार्टीको काम गर्न नेता कार्यकर्तालाई निर्देशन दिएको अध्यक्ष अधिकारीले बताउनुभयो ।
कोरोना सङ्क्रमण जोखिम रहेकाले उच्च सतर्कता अपनाउँदै नेपाल सरकारले तोकेको मापदण्डमा रहेर पार्टीका काम कारबाही अगाडि बढाउन पनि अनुरोध गरेको छ ।
प्रकाशित मिति : २० माघ २०७८, बिहिबार ८ : ०२ बजे
प्रतिक्रिया