काठमाडौं। नेकपा एमालेभित्रको विवाद टुंगो लगाउन गठन गरिएको १० सदस्यीय कार्यदलको बैठक अनिश्चित बनेको छ।
माधव पक्षका कार्यदलको नेतृत्वकर्ता भीम रावलको आँखामा समस्या भएपछि बैठक अनिश्चित बनेको बताईन्छ ।
एमाले भित्रको विवाद समाधान गर्न अध्यक्ष केपी शर्मा ओली र वरिष्ठ नेता माधवकुमार नेपालले वार्ता गरेर १० सदस्यीय कार्यदल गठन गर्नुभएको थियो ।
कार्यदलमा प्रधानमन्त्री केपी शर्मा ओली र वरिष्ठ नेता माधवकुमार नेपाल पक्षबाट पाँच–पाँच जना हुनुहुन्छ । ओली पक्षबाट सुवास नेम्वाङ, विष्णु पौडेल, प्रदीप ज्ञवाली, शंकर पोखरेल र विष्णु रिमाल हुनुहुन्छ भने नेपाल पक्षबाट भीम रावल, सुरेन्द्र पाण्डे, घनश्याम भुसाल, रघुजी पन्त र गोकर्ण विष्ट रहनुभएको छ ।
कार्यदललाई तीन दिनभित्र प्रतिवेदन पेश गर्न म्याद दिइएको छ।
प्रकाशित मिति : ३ जेष्ठ २०७८, सोमबार १ : ५६ बजे
प्रतिक्रिया