काठमाडौँ – भारत सरकारको सीमा सुरक्षा बल (एसएसबी)ले दशगजा क्षेत्रमा सुरक्षा पोस्ट बनाएको छ । विराटनगर महानगरपालिकाको सीमावर्ती दशगजा क्षेत्र (नो मेन्स ल्याण्ड) मा भारतीय सुरक्षा बलले पोस्ट बनाएको हो ।
भारतले एक महिना अघि विराटनगर महानगरपालिका-१६ दरैया र जोगवनीस्थित टिकुलियाको बीचमा पर्ने दशगजा क्षेत्र (नो मेन्स ल्याण्ड) मा आफ्नो सुरक्षा पोस्ट खडा गरेर एसएसबीको टोली तैनाथ गरेको छ ।
दुई देश बीचको सिमानामा कुनै पनि देशले कुनै पनि प्रकारको संरचना बनाउन वा गतिविधि गर्न नपाइने अन्तर्राष्ट्रिय कानूनमा उल्लेख गरेको छ । तर भारतले अन्तर्राष्ट्रिय कानूनको धज्जी उडाउँदै दशगजा क्षेत्रमा सुरक्षा पोस्ट बनाएर नेपालको गतिविधि नियालिरहेको छ ।
संरचना तयार पारेर बसेका एसएसबीले त्यहाँका नेपाली नागरिकलाई चेकजाँच गर्ने, धम्क्याउने र दुर्व्यवहार गर्ने गरेको स्थानीयको भनाई छ ।
प्रकाशित मिति : ८ माघ २०७८, शनिबार ९ : ०० बजे
प्रतिक्रिया