काठमाडौं । माघ १२ गते हुन लागेको राष्ट्रिय सभा निर्वाचनका लागि मधेस प्रदेशमा नेकपा एमाले र लोकतान्त्रिक समाजवादी पार्टी लोसपाबीच गठबन्धन गर्ने सहमति भएको छ ।
सहमतिअनुसार अन्यतर्फ एमालेका उम्मेदवार उसमान अन्सारी र महिलातर्फ लोकतान्त्रिक समाजवादी पार्टीकी उम्मेदवार रुपाकुमारी यादवलाई दुबै पार्टीले एक अर्कालाई मतदानमा सघाउनेछन् ।
बिहीबार नेकपा एमालेका मधेस प्रदेश अध्यक्ष राम औतार यादव र लोसपाका प्रदेश अध्यक्ष जितेन्द्र सोनल बीच निर्वाचनको लागि गठबन्धन गर्ने सहमती भएको हो ।
आज जनकपुरमा संयुक्त पत्रकार सम्मेलन गर्दै दुवै दलले निर्वाचनमा एक अर्कालाई सघाउने घोषणा गरेका हुन् । घोषणा कार्यक्रममा एमाले सचिव रघुवीर महासेठ, मधेस प्रदेश संसदीय दलका नेता एवं प्रदेश अध्यक्ष जितेन्द्र सोनललगायतका नेता कार्यकर्ता सहभागी हुनुहुन्थ्यो ।
एमालेका विरोधमा देशैभर काँग्रेस, माओवादी केन्द्र, नेकपा एकीकृत समाजवादी र जसपाबीच गठबन्धन छ ।
प्रकाशित मिति : ६ माघ २०७८, बिहिबार ३ : २५ बजे
प्रतिक्रिया