काठमाडौं – पछिल्लो २४ घण्टामा नेपालमा थप १० हजार २५८ जनामा कोरोना भाइरसको संक्रमण पुष्टि भएको छ ।
स्वास्थ्य तथा मन्त्रालयका अनुसार पछिल्लो २४ घण्टामा पीसीआर र एन्टिजेन विधिबाट २२ हजार ८२८ जनामा परिक्षण गर्दा १० हजार २५८ जनामा कोरोना संक्रमण देखिएको हो । यस्तै, आज थप ५६२ जना कोरोना संक्रमणबाट मुक्त भएका छन् ।
हाल देशभर सक्रिय संक्रमितको संख्या ३९ हजार ४४ जना रहेका छन् ।
गत २४ घण्टामा उपत्यकामा मात्रै ५ हजार ५४९ संक्रमित थपिएका छन् । काठमाडौंमा ४ हजार ४, ललितपुरमा ९७५ र भक्तपुरमा ९७५ जना संक्रमित थपिएका हुन् ।
पछिल्लो २४ घन्टामा कोरोना भाइरसको संक्रमणबाट थप १ जनाको मृत्यु भएको छ । नेपालमा कोरोनाबाट ज्यान गुमाउनको कुल संख्या ११ हजार ६२४ पुगेको छ ।
प्रकाशित मिति : ४ माघ २०७८, मंगलबार ४ : २१ बजे
प्रतिक्रिया