काठमाडौँ । नारायणहिटी दरबार सङ्ग्रहालय तथा गणतन्त्र स्मारक व्यवस्थापन तथा सञ्चालन समितिका कार्यकारी निर्देशक भेषनारायण दाहालले राजीनामा दिनुभएको छ । कार्यकारी निर्देशक दाहालले मङ्गलवार समितिको कार्यालयमा राजीनामा बुझाउनुभएको हो ।
पछिल्लो समय बतास समूहले सार्वजनिक खरिद ऐन विपरीत नारायणहिटीमा चमेना गृह चलाएको भन्दै विरोध हुँदै आएको थियो ।
नारायणहिटी दरबार परिसरको जग्गा बतास समूहलाई ठेक्कामा दिएको विषयमा कार्यकारी निर्देशक दाहाललाई मुछिएपछि उहाँले राजिनामा दिनुभएको हो ।
कार्यकारी निर्देशक दाहालले छानबिनका लागि सहज होस् भनेर आफूले राजीनामा दिएको बताउनुभएको छ । ३० वर्ष पुरातत्त्व विभागमा आफूले काम गरेको र सङ्ग्रहालयमा काम गर्दा पनि आफूले कहिल्यै गलत नियतले कुनै पनि निर्णय नगरेको उहाँको भनाई छ ।
प्रकाशित मिति : २७ पुस २०७८, मंगलबार ३ : ३१ बजे
प्रतिक्रिया